Eg heiter Linda Fosse og har arbeidd som artist, formidlar og låtskrivar i over 30 år. Gjennom musikk, historier og menneskemøte ønskjer eg å skapa opplevingar som rører, engasjerer og gir rom for både nærvær, ettertanke og livsglede.

Gjennom åra har eg halde konsertar, skrive eigne tekstar og reist med ulike førestillingar for både små og store scener. Eg har mellom anna arrangert eigen konsert i Grieghallen, reist med eigne produksjonar, og opptrådt for kulturhus, festivalar, kommunar og Den kulturelle spaserstokken.

Eg brenn særleg for formidling som skaper ekte kontakt mellom menneske. Anten det er gjennom konsertar, konsert-bingo, foredrag eller workshops, ønskjer eg å løfta fram motet til å leva meir ekte, våga meir av seg sjølv og finna tilbake til det som gir livet meining.

Mange kjenner meg også gjennom bodskapen:

«Følg draumen – kortid, viss ikkje no?»

For meg handlar det ikkje om perfekte liv eller raske løysingar, men om å tørra ta små steg i retning av det som kjennest sant og levande.

I dag tilbyr eg konsertar, foredrag og opplevingar for kulturhus, festivalar, kommunar, bedrifter og arrangement som ønskjer varme, nærværande og engasjerande formidling med musikk og menneske i sentrum.